Available in Hindi and English language
Us raat ghar par Sunita aur Sunil text messages ke zariye ek doosre se baat karte hain.
Sunil kehta hai, humein abortion karwane ka koi tareeka dhoondhna hoga. Main is bachche ki zimidari nahi le sakta. Aur agar mere parents ko pata chal gaya, toh woh mujhse bahut naraz honge.
Sunita uski baat se sehmat hoti hai. Haan, tum sahi keh rahe ho Sunil. Humein kisi tarah abortion karwana hi hoga. Lekin hum clinic kaise ja sakte hain? Is shehar ke lagbhag har clinic mein meri maa kisi na kisi ko jaanti hain. Aaj tumne dekha na woh aunty hume kaise deck rahi thi aur agar unhone maa ko batadia toh? Jaise Maine us aunty se jhut bola waise hi main maa se kehdungi ki tumhe chot lagi thi isi liye hum wahan gaye the lekin mujhe bahut dar lag raha hai Sunil, ab kya hoga?
Sunita internet par ghar par abortion ke baare mein search karti hai. Lekin use koi aisi relevant aur reliable information nahi milti jo uski situation mein uski madad kar sake. Ulta usko ghar par ki jane waali abortion ke nuksan/side effects wale articles nazar aate hain.
Dheere-dheere din beetne lagte hain aur Sunita ka dar bhi badne lagta hai ab Sunita depression mein jaane lagti hai. Uske dimaag mein baar-baar ek hi baat aati hai ki woh apni pregnancy ki sachchai ko zyada din tak apni maa se nahi chhupa payegi. Aakhirkar uski maa ko sach pata chal hi jayega. Aur isi darr ke beech Sunita apni jaan le leti hai.
Lekin ab sawaal yeh hai Sunita ne suicide kyun kiya? Kya use pregnancy se zyada apni maa ke saamne sach batane ka darr tha?
Kya use sharmindagi ka itna darr tha ki use laga ki ab uske paas koi aur raasta nahi hai? Aaj hum teenage pregnancy ke saath-saath teenagers mein suicide jaise cases bhi dekhte hain. Aur Sunita ki kahani humein ek bahut important sawaal poochne par majboor karti hai ki kya hum apne teenagers se unki problems ke baare mein khulkar baat karte hain?
Yeh bahut zaroori hai ki teenagers ko safe sex education di jaaye. Unhe relationships, pregnancy aur zimidari ke baare mein sahi jankari di jaani chahiye.
Lekin sirf education dena hi kaafi nahi hai. Unhe yeh bhi pata hona chahiye ki agar unse koi galti ho jaaye, agar woh kisi mushkil situation mein phans jaayein, toh woh kisi se baat kar sakte hain.
Aksar hum aise cases mein sirf ladke ko blame karte hain. Hum kehte hain ki ladke ne bachche ki zimidari nahi li, isliye ladki ne suicide kar li.
Lekin sach yeh hai ki galti dono taraf se hui thi aur zimidari bhi dono ki thi.
Isi tarah parents ke liye bhi yeh bahut zaroori hai ki woh apne bachchon ke saath sirf apni achhi memories aur successful experiences hi share na karein. Unhe apni galtiyon ke baare mein bhi batana chahiye.
Misaal ke taur par, ek maa apni beti se keh sakti hai, maine tumhare papa ke saath movie dekhne ke liye exam miss kiya tha.
Lekin use yeh bhi batana chahiye, maine exam miss kiya tha, isliye mujhe woh semester dobara repeat karna pada.
Bachchon ko sirf apni life ki achhi kahaniyan sunana zaroori nahi hai. Unhe apni buri experiences aur apni galtiyon ke baare mein bhi batana zaroori hai.
Taaki jab unki life mein kabhi koi mushkil situation aaye, toh unhe lage ki galti hone ke baad bhi life khatam nahi hoti.
Teenagers ke liye bhi yeh bahut important hai ki agar woh kisi problem mein hain, toh apne parents ya kisi trusted family member se baat karein.
Woh grandparents ho sakte hain, school teacher ho sakte hain, koi cousin ho sakta hai ya koi aisa friend jiske upar woh bharosa karte hain.
Aur agar face-to-face baat karna mushkil lagta hai, toh email, message ya ek letter likhkar bhi apni feelings express ki ja sakti hain.
Bas apni baat kisi ek trusted person tak pahunchana zaroori hai.
Yaad rakhiye, aapki zindagi sirf aapki nahi hai. Yeh aapke parents ke pyaar aur un ke sacrifices se bhi judi hai jo unhone aapke liye kiye hain.
Isliye kisi bhi mushkil situation mein apni jaan lena solution nahi hai. Zindagi mein chahe problem kitni bhi badi kyun na ho, help maangne ka ek raasta hamesha dhoondhna chahiye.
Kuch bhi aapki zindagi se zyada important nahi hai.
Aaj ek jawan ladki ko apni jaan ganwane se roka ja sakta tha.
Zaroorat thi use ek achhi education dene ki, use samajhne ki aur use yeh batane ki ki woh apni problem ke baare mein kisi se bhi baat kar sakti hai.
Teenage pregnancy aur teenage suicide jaise cases aajkal humein dekhne ko milte hain. Lekin please, inhe sirf ek case ki tarah mat dekhiye. In logon ko samajhiye. Unki situation ko samajhiye. Unhe samjhaiye ki agar unki life mein koi bahut badi problem bhi aa jaaye, toh unhe us problem ke saath akele nahi rehna hai.
Kabhi-kabhi ek trusted person ke saath ek conversation aur waqt par milne wali sahi guidance kisi ki poori zindagi badal sakti hai. Aur shayad kisi ki jaan bhi bacha sakti hai.
English translation
That night at home, Sunita and Sunil talked to each other through text messages.
Sunil says, Sunita, we need to find a way to get an abortion. I can’t take responsibility for this child and if my parents find out they’ll be very angry with me. Sunita agrees with him.
Yes you’re right Sunil. We have to get an abortion somehow. But how can we go to a clinic?
My mother knows someone at almost every clinic in this city. Didn’t you see how that aunty was looking at us today? And if she tells my mother? Just like I lied to that aunty, I’ll lie to my mother too and say you were hurt and that’s why we went there. But I’m really scared Sunil. What will happen now?
Sunita looks up information about having an abortion at home. But she doesn’t find any relevant or reliable information that could help her in her situation. Instead, she finds articles about the side effects and harms of home abortions.
Day by day, her fear grows. Sunita begins to sink into depression. One thought keeps coming back to her. That she won’t be able to hide the truth about her pregnancy from her mother for much longer. Sooner or later, her mother will find out about her pregnancy. And in the grip of that fear, Sunita takes her own life.
But now the question is, why did Sunita commit suicide? Was she more afraid of telling the truth to her mother than of the pregnancy itself? Was she so afraid of shame that she felt she had no other way out?
Today, we see cases of teenage pregnancy as well as suicide among teenagers. And Sunita’s story forces us to ask an important question, do we really talk openly with our teenagers about their problems?
It is very important to provide teenagers with safe sex education. They should be given the right information about relationships, pregnancy and responsibility.
But education alone isn’t enough. They also need to know that if they make a mistake or get into a difficult situation, they can talk to someone.
Often in such cases, people only blame the boy. They say the boy didn’t take responsibility, so the girl committed suicide. But the truth is, mistakes were made on both sides and responsibility was shared by both as well.
In the same way, it’s very important for parents not just to share happy memories and successful experiences with their children. They should also talk about their own mistakes.
For example, a mother might say to her daughter, I missed an exam to go to a movie with your father. But she should also say, I missed that exam, so I had to repeat the semester.
It’s not enough to only tell children the good stories of your life. You also need to tell them about your bad experiences and your mistakes, so that when a difficult situation arises in their lives, they know that even if a mistake is made, life is not over.
It’s very important for teenagers to talk to their parents or another trusted family member if they have a problem. This could be grandparents, a school teacher, a cousin or a close friend they trust. And if face-to-face talking feels hard, writing an email, a message or even a letter can be a way to express their feelings.
Just getting their words to one trusted person matters. Remember, your life is not yours alone. It is also connected to the love and sacrifices your parents have made for you. That’s why taking your own life is never the solution, no matter how big the problem feels. There is always a way to ask for help. Nothing is more important than your life.
Today, a young girl’s life could have been saved. What she needed was a proper education, understanding and someone to tell her that she could talk to anyone about her problem.
Cases like teenage pregnancy and teenage suicide happen nowadays. But please, don’t look at them as just cases. See the people in them understand their situation. Help them realize that no matter how big the problems in their lives may seem, they don’t have to face them alone.Sometimes a single conversation with one trusted person and timely right guidance can change someone’s entire life. And maybe even save a life.
